Madaxweynaha dowlad goboleedka Jubaland Mudane Axmed Maxamed Islaam, ayaa saaka qureec sharafeed xarunta Madaxtooyada ugu sameeyay xidigaha xulka kubada cagta maamulka Jubaland.
Madaxweynaha ayaa masuuliyiinta Wasaarada Dhalinyarada iyo Ciyaaraha iyo xiriirka kubada cagta ka dhagaystay shaqooyinkii baaxad lahaa ee bilihii lasoo dhaafay ay wadeen iyo diyaar garowga xulka kubada cagta ee ciyaaraha Dowladaha xubnaha ka ah JFS ee dhawaan bilaabanaya.
Madaxweynaha ayaa guul u rajeeyay xulka isagoo sheegay in ay garab taagan yihiin dhammaan shacabka iyo dowlada Jubaland isla markana ay rajo weyn ka qabaan in guul weyn ay soo hoyin doonaan.
Ciyaaraha dowlad goboleedyada iyo maamulka gobolka Banaadir ayaa lagu wadaa in 29-ka bishan ka bilowdo magaalada Muqdisho, waxaana sannadkan ciyaaraha ka maqan oon ka qeyb galeyn maamulka Puntland.
Xafiiska Shabakada Allbanaadir.com
Muqdisho Somalia
Allbanaadir@live.com
