Boqortooyada Sacuudiga waxaa dhawwaan ka dhacay dil dad badan ka argagaxeen ,kaddib markii nin uu si arxan-darro ah u dilay hooyadii isaga dhashay iyo walaashiis, kaddibna meydkooda qariyay si aan loo ogaan.
C/raxmaan Bin Saalax Bin Mudraham Al-Khataami ayaa toorey ku dilay hooyadii isaga dhashay iyo walaashiis, waxa uuna ninkan markii uu dilay kaddib meydka hooyadiis iyo walaashiis gubay si aan raadkooda loo aqoonsan.
Wasaaradda Arrimaha Gudaha ee Sacuudiga ayaa sheegtay in si deg deg ah maxkamad loo saaray ninka dilka lagana naxay geestay, waxa ayna wasaaradda sheegtay in ninka gacankudhiiglaha laga oofiyay xadka dilkii uu geestay.
Dadka reer Sacuudi ayaa soo dhaweeyay qisaasta laga oofiyay ninka arxan-laawaha ahaa ee dilay hooyadiis iyo walaashiis, waxa ayna falkan ninkaasi geestay ku tilmaamay mid waali ah uusan geysan karin qof fiyow.
Xafiiska Shabakada Allbanaadir.com
Muqdisho Somalia
Allbanaadir@live.com
