Ciidanka xoogga dalka Soomaaliya ayaa howlgalo kawada goobo ay kooxda Al Shabaab kaga sugnaayeen deegaanno iyo degmooyin dhaca xadka ay wadaagaan giobolada Shabeelaha Dhaxe iyo Galgaduud.
Ciidanka xoogga dalka gaar ahaan Guutada 24aad ee Khaalid Binu Waliid ayaa howlgal ka sameeyay deegaanno Al Shabaab ku sugnaayeen oo hoostaga degmada Ruunirgood ee gobolka Shabeelaha Dhaxe, halkaas oo laga saaray Shabaabkii joogay.
Saraakiisha ciidanka hoggaamineysay ayaa sheegay in ay bur buriyeen goobo ay gabaad ka dhigeen kooxda Al Shabaab, waxa ay sidoo kale ciidamada soo saareen miinooyin ay kooxda Al Shabaab ku aaseen waddooyinka qaar.
Ciidamada milatariga ayaana qarxiyay miinooyinka Al Shabaab aaseen qaarkood halka kuwa kalana ay fur fureen, waxa ayna saraakiisha ciidanka sheegeen in howlgalka ka dhanka ah Al Shabaab ay sii wadi doonaan.
Xafiiska Shabakada Allbanaadir.com
Muqdisho Somalia
Allbanaadir@live.com
