Allbanaadir.com
NEWS

Xuutiyiinta Yemen oo talaabo cusub qaadaya ka dib beegsiga Maraakiibta Israel

Xuutiyiinta Yemen oo ay Iran taageerto ayaa ogolaaday wada-hadallo dhexdhexaadinayso dowlada Cumaan oo ku saabsan hawlaha” ay ka wadaan badda cas iyo badda Carabta wadahadalkaasoo ay la yeelanayaan “dhinacyada caalamiga ah”, sida uu sheegay afhayeen u hadlay kooxda.

Afhayeenka kooxdaas Moxamed Cabdisalaam ayaa sheegay in kooxdu ay sii wadi doonto beegsiga maraakiibta Israa’iil ama maraakiibta u socda Israa’iil ilaa “gardarrada iyo go’doominta” Qaza laga soo afjarayo.

Afar ka mid ah shanta shirkadood ee ugu waaweyn caalamka ee maraakiibta ayaa hadda hakiyay maraakiibtooda inay maraan badda cas, sababtoo ah weerarada gantaallada ee fallaagada Xuutiyiinta.

Xuutiyiinta ayaa tan iyo markii uu billowday dagaalka Israa’iil iyo Xamaas waxay bartilmaameedsanayaan maraakiibta maraya aaggaas ee ka soo baxay ama ku sii jeeda Israel.

Waxay ku dhawaaqeen inay taageersan yihiin Xamaas, waxayna sheegeen inay beegsanayaan maraakiibta u socdaalaysa Israa’iil.

Related posts

Labo Falastiiniyiin ah oo lagu toogtay Qudus iyo Wararkii ugu dambeeyey

Caydiid Ali

Arday si xun loogu ciqaabay in uu cunay Jabaati iyo carro xoogan oo ka dhalatay

Cabdi Cade

Wararkii u dambeeyey dagaalo maanta ka dhacay Daynuunay & Khasaare ka dhashay

Caydiid Ali
Taboola Ads ---