Madaxweynihii hore ee dowladda Puntland Dr. Cabdiweli Maxamed Cali (Gaas) ayaa mar kale u tartamaya doorashada Madaxweynaha ee 2024 sida ay sheegayaan warar lagu kalsoon yahay
Gaas ayaa lagu wadaa inuu dhawaan si rasmi ah u shaaciyo musharraxnimadiisa xilka Madaxweynaha Puntland ee doorashada la qabanayo Janaayo sanadka cusub.
Wararka ayaa sheegaya in ololaha Musharrax Cabdiweli Gaas ay gadaal ka riixayaan siyaasiyiin miisaan leh oo ka soo shaqeeyay Puntland iyo dowladda Federaalka Soomaaliya.
Gaas ayaa horey xilal kala duwan uga soo qabtay Somalia waxaana uu soo noqday xildhibaan heer Federaal, wasiirkii Qorshaynta iyo Ra’iisul Wasaaraha Soomaaliya.
Waa aqoon yahan barre ka ah Jaamacadaha Mareykanka qaarkood uu muddo dheer degenaa ka hor inta uusan soo gelin siyaasada Soomaaliya waxaana xiligii uu madaxweynaha ka ahaa Puntland lagu xusuustaa khilaafkii adkaa ee kala dhexeeyey DF inkastoo madaxda soo martay Puntland ay ka sinaayeen arrintaas.
