Maxkamadda ciidamada qalabka sida ee Soomaaliya ayaa maanta xukun adag oo xabsi ah ku riday guddoomiye kuxigeenkii hore ee arrimaha bulshada ee degmooyinka Hodan iyo Xamarweyne Abuukar Salaad Maxamuud oo lagu helay in Al Shabaab la shaqeeyay.
Abuukar Salaad Maxamuud ayaa lagu soo eedeyay in uu ka tirsan yahay kooxda Al Shabaab uuna u qaabilsanaa dhoofinta iyo soo celinta xubno katirsan Al Shabaab, gaar ahaan kuwa dhaawaca ah ama xanuunsan.
Xeer Ilaalinta maxkamadda ayaa sheegtay in Abuukar sanadkii 2021 ka deegaanka Ugunji ee Sh/Hoose ah iska xaadiriyay si u bilaabo xiriirka Al Shabaab, isagoo maraya horjooge ay qaraabo ahaayeen oo Al Shabaab ka tirsan oo lagu magacaabo Cabdullahi Ibraahim.
Garsoorka Maxkamadda ciidamada qalabka sida ee Soomaaliya oo waqti ku filan siisay dhinacyada dacwadda ayaa ugu dambayn maanta ku xukuntay, Abuukar Salaad Maxamuud shan sanno oo xabsi ciidan ah.
Xafiiska Shabakada Allbanaadir.com
Muqdisho Somalia
Allbanaadir@live.com
