Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hoggaaminayo ayaa xalay gaaray magaalada Jabuuti ee caasimadda Jamhuuriyadda Jabuuti.
Xasan Sheekh Maxamuud ayaa dalka Jabuuti u tagay ka qeyb galka kulanka 41-aad ee aan caadiga ahayn ee Madaxda Urur goboleedka IGAD, kulankaas ayaana looga hadli doonaa arrimo Soomaaliya qeyb ka tahay.
Madaxweynaha Soomaaliya Xasan Sheekh ayaana shirka ka jeedin doona khudbad uu kaga hadlayo xaalada Soomaaliya , gaar ahaan guusha dowladiisa ka gaartay dagaalka Al Shabaab, qaadista cunaqabateynta hubka iyo arrimo kale.
Dowladda Madaxweyne Xasan Sheekh Maxamuud hoggaamiyo ayaa wada dedaalo badan ay ku dooneyso in Al Shabaab dalka ka saarto, si ciidamada qalabka sida si buuxda ula wareegaan ammaanka guud ee dalka.
Xafiiska Shabakada Allbanaadir.com
Muqdisho Somalia
Allbanaadir@live.com
