Wasiirka Wasaaaradda Gaashaandhigga Jamhuuriyadda Federaalka Soomaaliya mudane Cabdulqaadir Maxamed Nuur iyo dhiggiisa Jamhuuriyadda Dimuqraadiga Federaalka Itoobiya mudane Abraham Belay ayaa kala saxiixday heshiis is afgarad oo milateri
Heshiiskan ayaa la sheegay inuu la xiriiro dardargel gelinta iskaashiga dhanka difaaca ee labada dal
“Waxay kala saxiixdeen cusbooneysiinta is-afgaradka difaaca (MoU), kaasi oo hore labada dowladood u kala saxiixdeen bishii February, 2014” ayaa lagu yiri war ka baxay warbaahinta DF
Heshiiskan ayaa sii xoojin doona iskaashiga dhinacyada danaha labada dal waxaana uu sidoo kale sahlayaa in si dhow la isaga kaashado xoojinta nabadda iyo ammaanka.
Sidoo kale waxaa la sheegay inuu uu abuurayo dhismaha guddiyo Difaac oo wadajir ah, si ay u horumariyaan, una fududeeyaan hirgelinta heshiiska is-afgaradka ah.
