Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo Madaxtooyada ku qaabilay khubaro milatari iyo saraakiil sarsare oo ka socday dalka aan walaalaha nahay ee Turkiga.
Xassan Shiikh ayaa uga mahadceliyey doorka ay Turkigu ka qaadanayaan dib u dhiska Ciidamada Xoogga Dalka Soomaaiyeed iyo dagaalka ka dhanka Al-shabaab.
Kulankan waxaa qeyb ka ahaa Danjiraha Turkiga ee Soomaaliya Mudane Ibrahim M. Yagli.
Waxaa sidoo kulankaas lagaga hadlay xoojinta iskaashiga dhanka milatariga ee labada dal, muhiimadda taageerada walaalaha Turkiga ee howlgalka xoreynta iyo qorshaha tababarrada Ciidamada Soomaaliyeed ee ay leyliyaan khubarada milatariga.
Turkiga oo ah saaxiibka ugu weyn Soomaaliya ayaa dalka ku leh saldhig milateri oo lagu tababaro ciidamada xoogga dalka, isagoo qeyb ka ah dowladaha taageerada milateri ka siiya DF dagaalka Al-shabaab.
