Dagaalka ka socda magaalada Gaza ee u dhaxeeya ciidamada yahuuda Israa’iil iyo dagaalyahannada Xamaas ayaa dhalinaya maalinbo maalinta ka dambeysa khasaarooyin badan oo labada dhinac kala gaaraya.
Ciidamada Israa’iil ee duullaanka ku qaaday magaalada Gaza ayaa la kulmaya khasaarooyin xooggan oo kasoo gaaraya xoogaga hubeysan ee Xamaas, waxaana Israa’iil la sheegay in khasaarooyinka qaar ay qarinayaan.
War kasoo baxay milatariga Israa’iil ayey ku xaqiijiyeen in dagaal xooggan oo shalay ka dhacay qeybo kamid ah magaalada Gaza lagu dilay saddex askari oo katirsanaa ciidamada milatariga Yahuuda.
Milatariga Israa’iil warka kasoo baxay ayaa lagu xaqiijisay dhimashada Sarreeye Gaas oo 22 jir ahaa, Saajin 19 jir ahaa iyo Taliye 36 jir ahaa, waxaa sidoo kale jira askar kale oo dagaalkan dhaawacyo kala duwan kasoo gaareen.
Ciidamada Israa’iil ee lagu dilay dagaalka kala dhaxeeya kooxda Xamaas ayaa gaaray 75-askari, waxaa sidoo kale jira khasaarooyin kale oo Israa’iil kasoo gaaray duullaanka ay ku qaadeen magaalada Gaza.
Xafiiska Shabakada Allbanaadir.com
Muqdisho Somalia
Allbanaadir@live.com
