Ciidamo katirsan dadka deegaanka Ceeldheer oo gacan ka helayay ciidanka xoogga dalka Soomaaliya ayaa howlgal qorsheysan ka fuliyay degmada Ceeldheer ee gobolka Galgaduud, halkaas oo gacanta ku hayaan kooxda Al Shabaab.
Taliyaha ciidanka deegaanka Cabdulle Maxamuud Barre oo la hadlay warbaahinta dowladda ayaa sheegay in howlgalka ay ka fuliyeen degmada Ceeldheer ku dileen ku dhawaad 10-dagaallame oo katirsan Al Shabaab tiro kalana ku dhaawaceen.
Waxa uu sheegay taliyaha in ciidamada beegsadeen goob ay xubnahan katirsan Al Shabaab dad shacab ah ku dhibaateenayeen, waxa uuna xusay in howlgalka lagu dhaawacay sargaalkii Al Shabaab u qaabilsanaa Ceeldheer oo lagu magacaabayay Siciid Daa’uud.
Ciidanka dadka deegaanka oo horey howlgalkan kan lamid ah uga fuliyay degmada Ceeldheer ayey kusoo qabteen sargaal kooxda Al Shabaab u qaabilsanaa aruurinta xoolaha laga qaado dadka deegaanka.
Xafiiska Shabakada Allbanaadir.com
Muqdisho Somalia
Allbanaadir@live.com
