Ciidamada ammaanka ayaa maanta magaalada Muqdisho ku qabtay nin waday mooto bajaaj la sheegay in lagu keenay qarax nuuca miinada dhajiska ah oo lagu dhejiyay goob ganacsi oo kutaalla Muqdisho.
Afhayeenka maamulka gobolka Banaadir ayaa warbaahinta u sheegay in ciidamada ammaanka qabteen ninkan qaraxa dhajiska waday iyo mootadiisa, waxa uuna intaa ku daray in ay socdaan howlgalo lagu raadinayo xubno kale oo ninkan la shaqeenayay.
Waxa uu ugu baaqay afhayeenka ganacsatada magaalada Muqdisho in ay u hoggaansanaan ammarka dowladda ayna xirtaan kaamirooyinka, waxa uu sidoo kale ugu baaqay ganacsatada in laamaha ammniga usoo sheegaan waxii qal qalgalinaya amnigooda.
Kooxda Al Shabaab ayaa qaraxyo miino ku bur burisay goobo ganacsi oo u hoggaansamay ammarka dowladda ee ahaa in la xirto kaamirooyinka CCTV, waxaana maanta kaliya Al Shabaab qarxiyeen goobo ganacsi oo kuyaalla meelo kala gedisan oo ku yaalla Muqdisho.
Dowladda Soomaaliya ayaa ku amartay goobaha ganacsi ee kuyaalla magaalada Muqdidho in lagu xiro kaamirooyinka CCTV, halka kooxda Al Shabaab ganacsatada ku amaraty in aysan xiran kaamirooyinka ayna qarxinayaan kuwii xirta.
Xafiiska Shabakada Allbanaadir.com
Muqdisho Somalia
Allbanaadir@live.com
