Ciidanka xoogga dalka Soomaaliya oo garab ka helaya ciidamo shisheeye ayaa xalay ilaa saakay howlgal qorsheysan oo duqeymo u badan waxa ay ka wadaan tuulada Hilow Bacaad oo 8-kilo mitir dhinaca koofur galbeed ka xigta deegaanka Halgan ee gobalka Hiiraan.
War kasoo baxay dowladda laguna baahiyay telefishinka dowladda ayaa lagu sheegay in howlgalka oo wali socda lagu dilay in ka badan 60-dagaalyahan oo katirsan Al Shabaab tiro kale oo badana lagu dhaawacay.
Dowladda ayaa sidoo kale sheegtay in howlgalkan oo socda saacado badan lagu bur buriyay fariisimo ay lahaayeen kooxda Al Shabaab , waxaa sidoo kale howlgalka lagu bur buriyay saanad Al Shabaab lahaayeen.
Deegaanka weerarka ka dhacay ee duleedka ka ah Halgan ayaa la sheegay in muddooyinkii dambe isku aruursanayeen dagaalyahanno katirsan Al Shabaab, kuwaa oo doonayay in mar kale dib ugu soo laabtaan deegaanno horey looga saaray oo Hiiraan katirsan.
Xafiiska Shabakada Allbanaadir.com
Muqdisho Somalia
Allbanaadir@live.com
