Qoys degan xaafada Owdweyne ee degmada Dayniile ayaa la sheegay in ay heleen cadad dahab baadi ah, waxa ayna qoyskan dahabka ay hayaan ku war-galiyeen ciidanka booliiska saldhigga Dayniile, si loo helo dadkii lahaa uu ka lumay.
Booliiska ayaa sheegay in qoyska degan degmada Dayniile ay heleen dahabka 21-kii bishii dhammaatay ee November, waxa ayna hadda raadinayaan qoyskaasi iyo booliiska dadkii dahabka lahaa si loogu wareejiyo.
‘Qofka uu dahabkaas ka maqanyahay waxaa looga baahanyahay inuu sheego goobta uu dahabkaas ugu lumay, cadadkiisa, iyo nooca uu yahay dahabkaasi’, ayuu yiri Afhayeenka booliiska Soomaaliya Gaashaanle Saadiiq Aaden Cali (Doodishe).
Booliiska Soomaaliya ayaa sheegay in aan wali la helin dadkii rasmiga ahaa ee lahaa dahabka baadida ah ee la hayo, waxa ayna booliiska sheegeen in lagu wareejin doono dahabka dadkii lahaa haddii la helo.
Xafiiska Shabakada Allbanaadir.com
Muqdisho Somalia
Allbanaadir@live.com
