Xamaas iyo Israel oo maalintii shanaad maxaabiis kale is dhaafsaday
Laanqeyrta cas ee caalamiga ah ayaa 12 qof oo laga sii daayay magaalada Gaza ku wareejisay marinka Rafah ee Masar sida ay sheegeen ciidamada Israa’iil.
Tani waa wareejintii ugu horeysay tan iyo markii Israel iyo Xamaas xabad joojinta ay kordhiyeen maalintii shanaad.
Dhinaca kale, Soddon maxbuus oo falastiiniyiin ah ayaa laga sii daayey xabsiyada Israel sida lagu sheegay xogta ay sii daayeen kooxda maxaabiista Falastiiniyiinta iyo maamulka xabsiga Israel.
Dadka la sii daayey ayaa isugu jira 15 haween ah iyo 15 caruur ah oo rag ah, kuwaasi oo da’doodu ka yar tahay 18 sano jir.
