Maamulka SSC-Khaatumo ayaa maanya canshuur qaadis ka bilaabay magaalada Laascaanod
Hoggaamiyaha SSC-Khaatumo Mud. Cabdiqaadir Aw-Cali ayaa kormeer Shaqo ku tagay Kastamada Caasimadda Laascaanood, halkaas oo markii 1aad laga bilaabay cashuur-qaaddida Maamulka SSC-Khaatumo.
Hoggaamiyaha ayaa warbixin ka dhagaystay saraakiisha iyo hawl-wadeennada Kastamada, islamarkaana ku boorriyey shaqada culus ee ay u hayaan shacabkooda.
Hoggaamiyaha ayaa Saraakiisha Cashuuraha kula dardaamay inay shacabka ugu adeegaan si hufnaan iyo ammaano leh. Isagoo dhanka kale sheegay in hannaanka Canshuuraha SSC-Khaatumo uu noqonayo mid daahfuran oo ka hufan musuq iyo maamul xumo.
Ugu danbayn, Hoggaamiyaha ayaa ugu baaqay Shacab-weynaha SSC-Khaatumo in ay bixiyaan Cashuurta ku waajibtay, isagoona ballanqaaday in Cashuurtaas si saxa ah ay Shacabka dib ugu soo laaban doonto.
