Qatar ayaa ku dhawaaqday in la gaaray heshiis lagu kordhinayo xabbad joojinta bini’aadantinimo ee Marinka Gaza
Afhayeenka Wasaarada arrimaha dibadda Qatar Majed Al-Ansari ayaa sheegay in muddo laba maalmood ah oo dheeri ah lagu daray xabad joojinta
Ku dhawaaqista ayaa timid ka dib markii madaxweynaha Mareykanka Joe Biden uu la la hadlay ra’iisul wasaaraha Qatar iyo kan Israaiil
Masar ayaa horay u sheegtay in ay socdaan dadaallo lagu doonayo in lagu kordhiyo xabad joojintii socotay afarta maalmood oo maanta ku ekeyd.
Israel Xamaas iyo Maraykanka, oo ay dhexdhexaadinayso Qatar, ayaa si firfircoon uga wada hadlaya suurtagalnimada in lagu kordhiyo xabbad joojinta afarta maalmood ah laba maalmood oo dheeraad ah.
Dhinaca kale Jarmalka ayaa sheegay inuu taageersan yahay kordhinta xabbad joojinta, isagoo intaa ku daray iney fiican tahay xabad joojinta in loo isticmaalo buundo loo marayo geeddi-socod siyaasadeed si loo helo xal waara.
