Israel Xamaas iyo Maraykanka, oo ay dhexdhexaadinayso Qatar, ayaa si firfircoon uga wada hadlaya suurtagalnimada in lagu kordhiyo xabbad joojinta afarta maalmood ah laba maalmood oo dheeraad ah.
Heshiiskii asalka ahaa ee afar maalmood oo xabbad joojin ah oo lagu doonayay in lagu sii daayo 50 haween iyo carruur ah ayaa la isla gartay in joojinta dagaalka lagu kordhin karo maalmo dheeraad ah haddii Xamaas ay awoodo inay sii deyso la haysteyaal dheeraad ah.
Sii deynta Toban kale oo la haystayaal ah ayaa Xamaas siin doona maalin dheeri ah oo xabad joojin ah sida ay sheegtay Israel.
Saraakiisha Israa’iil iyo Maraykanka ayaa aaminsan in ay jiraan dumar iyo carruur ka badan 50 qof oo la haysto, balse waxa ay ogolaadeen qodobbada heshiiska iyadoo Xamaas ay ku adkaysatay in loo baahan yahay in joojinta dagaalka lagu soo ururiyo la haystayaal dheeraad ah.
Xabbad-joojinta u dhaxaysa Israa’iil iyo Xamaas ayaa si habsami leh u socota maalintii afraad ee suurtogalka ah, waxaana jira cadaadis isa soo taraya oo labada dhinac ku saabsan inay kordhiyaan hakinta dagaalka.
Tan iyo Jimcihii, Xamaas ayaa ilaa hadda sii daysay 58 la haystayaal ah , Israa’iilna waxay xabsiga ka sii deysay 117 maxaabiis falastiiniyiin ah.
