Eedeysane magaciisa lagu sheegay Jason J Eaton, oo 48 jir ah ayaa loo xiray toogashada saddex falastiiniyiin ah oo ka dhacday Mareykanka, sida ay sheegeen booliiska magaalada Vermont.
Weerarka ayaa loo baarayaa inuu yahay dambi islaam nacayb ku saleysan, iyadoo sadexda nin oo qaban dhaawacyo kala duwan haatan lagu daweynayo goobaha Caafimaadka
Eaton ayaa la sheegay in uu toogtay saddex arday oo falastiiniyiin ah oo wax ka baranayay Jaamacada ku taal meel u dhow jaamacada Vermont ee Burlington fiidnimadii sabtida kadibna uu baxsaday, sida ay booliisku sheegeen.
Laba ka mid ah dhibanayaasha ayaa ah muwaadiniin Maraykan ah halka kan saddexaadna uu yahay qof si sharci ah u degganaa Maraykanka.
Dhammaantood waa 20 jiro, sida ay booliisku sheegeen. Xiliga uu weerarku dhacayay ayaa la sheegay in labo ka mid ah ragaasi ay xirnaayeen camaamad madaw iyo cadaan ah oo ay xirtaan Carabta ku dhaqan Bariga Dhexe, sida ay sheegeen.
