Guri dhismo ka socday oo kuyaalla degmada Kaaraan ee gobolka Banaadir ayaa saakay waabarigii hore soo dumay, waxaana ka dhashay khasaaro dhimasho oo soo gaaray dad deganaa guri ku dheganaa dhismaha soo dumay.
Goobjoogayaal ku sugnaa halka ay wax ka dhaceen ayaa ku waramay in saakay mar qura uu soo dumay darbiga guriga dhismaha ka socday, kaddib markii dhismaha oo markii hore liitay lagu dhinac shubay carro baabuur laga dejiyay.
Inta la xaqiijiyay saddex dumar ah ayaa ku geeriyooday dhismaha darbiga saakay soo dumay, waxaana haweenka geeriyooday ku jirta haweeney umul ku jirtay , taa oo la sheegay in cunugeedii shalay u ka saqiiray.
Milkiilaha guriga, injineerkii dhismaha waday iyo sidoo kale dadkii kale ee goobta dhismaha ka socday ku sugnaa ayaa la sheegay in ay carareen marka uu darbiga soo dumay, waxa ayna dalbadeen ehelada dadka geeriyooday in lasoo qabto dadkii sababta u ahaa geerida saddexda haweenka ah.
Dhismayaasha guryaha soo dumaya ayaa muddooyinkan kusoo badanaya magaalada Muqdisho, waxaana bilo kahor dhismaha dabaq ah oo soo dumay isna sababay geerida dadkii deganaa guri ku agyaalay dhismaha soo dumay.
Xafiiska Shabakada Allbanaadir.com
Muqdisho Somalia
Allbanaadir@live.com
