Hay’adda Maareynta Musiibooyinka Qaranka ayaa soo saartay tirakoobkii ugu dambeeyey dadka ku naf waayey roobabka daadadka wata iyo fatahaadaha ka jira dalka.
Guddoomiyaha Hay’adda Maareynta Musiiboyinka Qaranka Maxamuud Macallim Cabdulle ayaa sheegay in Daadadka iyo Fatahaadaha dadka ku geeriyooday ay marayaan 96 Ruux.
Waxaa uu sheegay in 28 ka mid ah ay ku dhinteen Doon la qalibantay ka dib markii ay Al-shabaab u diideen meel ay ka baxaan sida uu yiri.
Sidoo kale Guddoomiyaha ayaa ka warbixiyey xaaladihii ugu dambeeyey Fatahaadaha iyo Daadadka ay gaysteen, isagoo ka digay Roobab la filaayo todobaadyada soo socda.
Waxaa uu sidoo kale xusay in daadadka ay geysteen khasaaroyin kala duwan oo ay ka mid yihiin xoolo afar kun gaaraya oo ay qaadeen, boqolaal guri oo ku burburay iyo dhibaatooyin kale.
HOOS KA KA DAAWO HADALKA
