Waxaa saakay lagu waday in xildhibaannada baarlamaanka Puntland ka doodaan xeerka wax-kabedelka doorashooyinka, hasa ahaatee buuq iyo sawaxan hareeyay xarunta baarlamaanka ayaa la go’aamiyay in dib loo dhigo ka doodista xeerkan.
Guddi gaar ah oo loo xil-saaray ka shaqaynta xeerka ayaa qoraal uu Baarlamanka la wadaagay ku dalbaday in la hakiyo xeerka inta laga xallinayo xiisadda siyaasadeed ee ka taagan arrinaha doorashada.
Dalabka guddiga kaddib ayaa la sheegay in xarunta golaha Baarlamaanka Puntland uu hareeyay buuq iyo sawaxan xooggan, waxaana la sheegay in xildhibaannada qaarkood isu gacan-qaadeen.
Buuq iyo sawaxan kaddib ayaa guddoonka Baarlamanka Puntland waxa uu ku dhawaaqay in dib loo dhigay ka doodista xeerka ilaa maalinta Axadda ah ee todobaadka danbe oo ku beegan 26 Nov 2023.
Xafiiska Shabakada Allbanaadir.com
Muqdisho Somalia
Allbanaadir@live.com
