Ra’isul Wasaaraha Qatar ayaa sheegay in “horumar wanaagsan” laga gaaray wadahadallo lagu sii daynayo la haystayaasha ay Xamaas qafaasheen, kaddib markii kooxda ay bishii hore gudaha u gashay koonfurta Israa’iil.
“Qodobbada ku dheggan si daacad ah marxaladdan waa kuwo wax ku ool ah, saadka, ma aha runtii wax ka tarjumaya xudunta heshiiska,” sida uu sheegay Shiikh Mohamed Bin Abdulrahman Al-Thani, oo dhexdhexaadinayey wada xaajoodyada Hamas iyo Israel.
“Waa jid dheer. Markaad u soo dhawaato yoolka, waxaad dareemeysaa in heerka kalsoonidaadu ay sii kordheyso, waxaana rajeyneynaa inaan gaareyno heerkaas,” ayuu ra’iisul wasaaruhu ku sheegay shir jaraa’id oo ay si wadajir ah ugu qabteen diblomaasiga ugu sarreeya Midowga Yurub, Josep Borrell, magaalada Doha. .
“Heshiisku wuxuu marayaa kor u kac iyo hoos u dhac mararka qaarkood dhowrkii toddobaad ee la soo dhaafay, laakiin Waxaan aad ugu kalsoonahay inaan ku dhownahay inaan gaarno heshiis dadka ku soo celin kara guryahooda,” ayuu yiri, isagoo intaa ku daray inay jiraan caqabado.
“Waxaan diiradda saarnay afartii ilaa shantii toddobaad ee la soo dhaafay wadahadalladan, waxaan isku daynay si kasta – dhammaan siyaabaha suurtagalka ah – si aan u hubinno in dadka rayidka ah la sii daayo, waxaana u maleyneynaa in dhammaan bini’aadamka ay isku mid yihiin,” ayuu yiri hogaamiyaha Qatar.
Dhinaca kale, Ku-xigeenka La-taliyaha Amniga Qaranka ee Aqalka Cad, Jon Finer ayaa u sheegay ABC News in wada-xaajoodyada lagu soo daynayo la-haystayaasha lagu haysto Qaza ay marayaan marxalad aad xasaasi u ah.
“Waxaa jira horumar la taaban karo, oo la sameeyay maalmihii ugu dambeeyay iyo saacadihii la soo dhaafay,” ayuu yiri Finer.
Isaga oo hadalkiisa sii watana waxa uu yiri: “Arrimihii qaar haday is-maan-dhaaf ahaayeen, hadda waa la soo koobay ama is-faham baa la gaaray, laakiin ma dhammaystirna”.
Finer waxaa uu intaa ku daray inay noqon doonto mid dhicis ah in la yiraahdo heshiisku waa lama huraan, “iyadoo la eegayo sida aan uga soo dhowaanay halkii hore.” ayuu yiri
Cadaadiska ayaa ku sii kordhaya ra’iisul wasaaraha Israa’iil Benjamin Netanyahu si uu u gaaro heshiis ku saabsan soo celinta badqabka ku dhawaad 240 qof oo ay Xamaas afduubtay 7-dii Oktoobar, markaasoo ugu yaraan 1,200 oo qof la dilay.
