Xiisad dagaal iyo dhaqdhaqaaqyo ciidan oo aad u xooggan ayaa maanta laga dareemaya magaalada Garoowe ee caasimadda Puntland, kadib markii halkaas dowladdu ku soo daabushay cutubyo ka tirsan ciidanka PMPF.
Ciidamada taabacsan Mucaaridka madaxweyne Deni ayaa sidoo kale dhankooda samaynaya dhaq dhaqaaqyo, islamarkaana ku jira diyaar-garow ciidan difaaca sida laga soo xigtay ilo wareedyo kala duwan.
Dhaqdhaqaaqa ciidan ayaa saamayn ku yeeshay shacabka ku dhaqan caasimadda, waxaana laga barakacay xaafadaha qaarkood, iyadoo ay jirto cabsi laga qabo in dagaal toos ah ka dhaco magaalada.
Wararka ka imaanaya magaalada Garawe ayaa sidoo kale sheegaya in goobaha Waxbarashada iyo goobaha ganacsi ay xiran yihiin inta badan , islamarkaana aan saaka loo shaqa tegin xarumaha dowladda qaarkood.
Waxii soo kordha kala soco wararkayaga dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
