Waxaa maanta deegaanka Bacaadweyne ee gobolka Mudug lagu soo bandhigay ciidamo macawuusley ah oo kasoo jeeda dadka deegaanka, kuwaa oo sheegay in ay diyaar u yihiin ka qeyb galka dagaalka ka dhanka ah Al Shabaab.
Ciidankan lasoo bandhigay oo ku hubeysan qoryaha fudud ayaa isku xilqaaday ka qeyb qaadashada dagaalka, waxaana ciidankan kormeer ugu tagay lana hadlay saraakiil katirsan dowladda.
Saraakiisha ciidanka macawuusleyda hoggaamineysa ayaa sheegay in ay diyaar u yihiin ka qeyb qaadashada dagaalka Al Shabaab looga saarayo deegaannada Galmudug, gaar ahaan goobaha ay wali ka joogaan gobolka Mudug.
Ciidanka xoogga dalka Soomaaliya oo garab ka helaya ciidamada daraawiishta Galmudug iyo kuwa dadka deegaanka ayaa Al Shabaab ka saaray deegaanno badan oo kuyaalla gobolka Mudug ay ku jirto Bacaadweyn.
Xafiiska Shabakada Allbanaadir.com
Muqdisho Somalia
Allbanaadir@live.com
