Madaxweynaha Somaliland, mudane Mudane Muuse Biixi Cabdi ayaa maanta Qasriga Madaxtooyada kulan kula yeeshay Murashax madaxweyne ahna guddoomiyaha xisbiyadda Waddani Cabdiraxmaan Cirro iyo guddoomiyaha xisbiga Kulmiye Maxamed Kaahin Axmed.
Kulanka waxaa la iskaga xog waraystay guud ahaan xaaladda Somaliland, waxaana la isla qaaday in loo midoobo difaaca Somaliland, mudnaantana la siiyo midnimada iyo danaha dalka maamulka Somaliland.
Waxa sidoo kale kulanka looga wada hadlay doorashooyinka ku soo foolka leh deegaannada Somaliland, waxaana la isla qaatay in Komishanka doorashooyinka Qaranka looga dambeeyo arrimaha khuseeya doorashooyinka.
Madaxtooyada Somaliland oo war kasoo saartay kulankan ayaa sheegtay in kulankan madaxweynaha la qaatay hoggaanka labada xisbi uu ku soo dhamaaday is afgarad buuxa iyo wada jirka danaha qaranka in laga shaqeeyo.
Xafiiska Shabakada Allbanaadir.com
Muqdisho Somalia
Allbanaadir@live.com
