Wasiirka Wasaaradda Amniga Koonfur Galbeed mudane Xassan Cabdulqaadir Maxamed oo ay weheliyaan Gudoomiyaha gobolka Shabeelaha Hoose Taliyaha police-ka Koonfur Galbeed ayaa kormeer ugu tagey ciidanka police-ka gaarka ah Koonfur Galbeed ee Degmada Wanleweyn.
Wasiirka ayaa ciidan kula dardaarmey in ay isku diyaariyaan ciribtirka al-shabaab wejigiisa 2-aad oo dhawaan ka bilaaban doona Koonfur Galbeed.
Wasiirka wuxuu sidoo kale ku booriyey ciidanka isku xirnaanshaha iyo sida ay uga go’an tahay la Dagaalanka al-shabaab iyo difaaca dalkooda.
Ugu danbeyn Wasiirka ayaa ciidanka kula dardaarmey in ay ka fogaadaan qabyaaladda iyo isku dhaca dhexdooda ah, hadafkooda koowaadna ka dhigtaan la dagaalanka cadowga.
