Ciidamadda Amniga Galmudug ayaa Gacanta ku soo dhigay askari lagu eedeynayo inuu dilay Allaha u naxariistee Cabdullahi Cali Hudey oo lagu dhexdilay goob ganacsi oo ku lahaa Degmada Guriceel.
Marxuumka la dilay ayaa la sheegay inuu la dhashay taliyaha Booliska degmada Guriceel.
Ninka lagu eedeynayo dilka oo ah askari ka tirsan ciidanka NISA ayaa magaciisa lagu sheegay C/salaam Cali Axmed.
Waxaa laga soo qabtay Degaanka Baag oo ku dhow Degaanka kale ee Bali-hod halkaasoo uu u baxsaday dilka ka dib sida uu sheegay Gudoomiyaha Degmada Guriceel Faarax Cabdi Macalin oo intaas ku daray in sharciga lala tiigsan doono.
Dhanka kale, wali waxaan lahayn halkii aay jaan iyo Cirib dhigeen Dablaydii Dhuusamareeb ku dishay Ganacsato reer Cadaado ahaa kuwaasoo maalin si bareer ah loogu toogtay bartamaha Dhuusamareeb.
