Madaxweynaha Koonfur Galbeed Mudane Cabdicasiis Xasan Maxamed Laftagareen ayaa Xarunta Madaxtooyada magaalada Baydhabo ku qaabilay Danjiraha dowladda Ingiriiska u fadhiya Soomaaliya Michael Nithavrianakis iyo wafdi uu Hogaaminayey
Madaxweyne Laftagareen iyo Danjire Michael oo kulankooda ay ka qeybgaleen Wasiirada Wasaaradaha Qorshaynta, Cadaalada, Gargaarka iyo Howlaha guud ayaa la isaga waraystay saamaynta ka dhalatay fatahaadka biyaha roobka xooggan ee ka da’ay magaalooyin katirsan Koonfur Galbeed.
Kulanka dhaxmaray Laftagareen iyo Danjiraha dowladda Ingiriiska ayaa looga wada hadlay u diyaar garowga wajiga 2-aad ee dagaalka, xoojinta wadashaqaynta iyo hirgelinta mashaariicda loogu adeegayo bulshada.
Safiirka dowladda Ingiriiska u fadhiya Soomaaliya ayaa adkeeyey in socdaalkiisa magaalada Baydhabo ay tahay sidii dowladda Ingiriiska ay kaalin ugu qaadan lahayd u gurmashada dadka saameynta ku yeeshay fatahaadka biyaha iyo sidii ay u taageeri lahaayeen dadaalka dowladda Koonfur Galbeed ee daadejinta adeegyada dowladda.
