Israa’iil ayaa bilaabi doonta inay afar saacadood oo hakad ah ku sameyso howlgallada militari maalin kasta aagagga waqooyiga Gaza sida uu sheegay Aqalka Cad ee Mareykanka si loo oggolaado gargaarka bani’aadamnimada iyo in dadka rayidka ah loo oggolaado inay qaxaan.
Israa’iil waxay ku dhawaaqi doontaa wakhtiga hakadku saddex saacadood ka hor, sida uu sheegay John Kirby, afhayeenka Golaha Amniga Qaranka Mareykanka.
“Waxaa naloo sheegay Israa’iiliyiinta in aysan jiri doonin wax dhaq-dhaqaaq ciidan ah oo ka socda aagaggaas muddada hakad ku socdo, howshan ayaana billaabanaysa maanta,” ayuu yiri Kirby.
Mareykanka ayaa soo dhaweeyay horumarka, isagoo ugu yeeray hakadyada “tallaabooyin loo qaaday jihada saxda ah.”
“Waxaan ku boorinaynay Israa’iiliyiinta inay yareeyaan khasaaraha rayidka ah oo ay sameeyaan wax walba oo ay awoodaan si loo dhimo tirooyinkaas,” ayuu yiri Kirby, isagoo sheegay in hakadyada dagaalka ay siin doonaan nafis dhowr saacadood ah dadka rayidka ah.
