Warbaahinta caalamka ayaa si weyn u hadal haya nin dhallinyaro ah oo xalay xoog ku galay garoonka kubadda cagta ee Parken Stadium ee dalka Denmark, halkaas oo ciyaar katirsan Champion League ku cayaarayeen kooxaha Macnhester United iyo FC Copenhagen.
Ninkan ayaa soo galay garoonka qeybtii hore ee nasiinada cayaarta, isagoo lulaya calanka oo ku qornaa eryadan ah ‘joojiya dilka carruurta Qasa oo aan midoowno’, ereyadaas oo ku qornaa afka Ingiriiska.
Kooxaha ammaanka ee ku sugnaa garoonka ayaa iyana soo galay si ay u qabtaan ninkaasi, waxa ayna laamaha ammaanka ku guuleesteen in ninkaasi qabtaan kana saaraan gudaha garoonka uu xoogga ku galay.
Dad badan oo isugu jira muslimiin iyo gaalo ayaa si weyn u cambaareeyay ugana xumaaday xasuuqa ciidamada Isreal ka geesanayaan magaalada Gaza, xasuuqaasi ayaana noqday mid socda oon waxba ka qaban dowladaha Carabta iyo kuwa caalamka.
Xafiiska Shabakada Allbanaadir.com
Muqdisho Somalia
Allbanaadir@live.com
