Madaxweynihii hore ee Soomaaliya Xildhibaan Xasan Sheekh Maxamuud ahna Guddoomiyaha Xisbiga Midowga Nabadda iyo Horumarka ayaa Maanta ka dhoofay Magaalada Muqdisho 24 saac saac ka dib markii Muqdisho lagu qabtay Munaasabad lagu soo bandhigay xisbigaas.
Xasan Sheekh Maxamuud ayaa sheegay in lagu casuumay munaasabad ka dhaceysa Jaamacadda Oxford ee dalka Britain, isla markaana uu khudbad ka jeedin doono.
Waxaa uu sidoo kale sheegay inuu ka qeyb geli doono kulan ballaaran oo magaalada London ay isugu iman doonaan Jaaliyadda Soomaaliyeed ee London uuna ka jeedin doono khudbad kale uu oo kaga hadli doono ujeedooyinka xisbigiisa.
Saddex todobaad oo uu safarkiisa qaadan doono ka dib ayuu sheegay inuu dib ugu soo laaban doono Muqdisho si uu u soo amqabaado howlaha xisbigiisa.
Xafiiska Shabakada Allbanaadir.com
Muqdisho Somalia
Allbanaadir@live.com
