Ciidamada Isreal ayaa wali isku dayaya in ay xoog kula wareegaan magaalada Gaza ee dhulka Falastiin, waxa ayna la kulmayaan ciidamada Isreal iska caabin xooggan oo kaga imaaneysa dagaalyahannada Xamaas.
Dagaallo qaraar ayaa ka socda xaafadaha qaar ee magaalada Gaza, waxa ay sidoo kale diyaaradaha dagaalka Isreal duqeymo arxan darro ah ku garaacayaan qeybo badan oo kamid ah magaalada Gaza.
War kasoo baxay milatariga Isreal ayey ku sheegeen in ay guulo ka gaareen duullaan ay Gaza ku qaadeen, waxa ayna Isreal sheegeen in ay la wareegeen godad ay qoteen kooxda Xamaas iyo sidoo kale goobo kale oo kooxdaasi xeryo u ahaa.
Isreal ayaa sidoo kale sheegtay in ay duqeeyeen 450-oobood oo kooxda Xamaas farriisimo u ahaa, waxa ayna sheegeen howlgalka socda in ay ku dileen qaar kamid ah dagaalyahannada kooxda Xamaas.
Ciidamada Isreal ayaa weerarka dhinaca dhulka ah ay ku qaadeen magaalada Gaza waxaa looga dilay ku dhawaad 50-askari, waxaa sidoo kale looga bur buriyay qaar badan oo kamid ah taangiyada iyo gaadiidka qafilan ay wataan.
Xafiiska Shabakada Allbanaadir.com
Muqdisho Somalia
Allbanaadir@live.com
