Ra’iisul Wasaare Ku-xigeenka Xukuumadda Federaalka Soomaaliya Mudane Saalax Axmed Jaamac, ayaa guddoomiyey kulan looga hadlayey u diyaar garowga xukuumadda ee shirka caalamiga ah ee isbeddelka cimilada ee COP-28
Kulanka ayaa lagu soo bandhigay qorshaha Xukuumadda Dan-Qaran ee ku aaddan shirka COP28 iyo sidii ay Soomaaliya shirkaas ula tagi lahayd qorshe cad oo wax looga qabanayo dhibaatada uu dalkeenna ku sababayo isbeddelka cimilladda adduunka.
Shirka ayaa dhowaan ka furmaya dalka Isutagga Imaaraadka Carabta.
Soomaaliya ayaa ka mid ah dalalka uu sida weyn u saameeyey isbedelka cimilada aduunka ka dib markii ay ku soo bateen abaaraha, fatahaadaha webiyada iyo roobabka oo marna yaraada marna xadkooda dhaafa kuwaasoo sababa daadad saameyn ku yeesha dadka iyo duunyada.
