Ugu yaraan 16 qof ayaa ku dhintay deegaanka Al-Saftawi ee waqooyiga Qaza ka dib markii ciidamada Israel ay laba weerar oo is xigxigay ay ku qaadeen guri ay qoys Falastiniyiin ah,
Waxaa ku dhintay qaar ka mid ah dadkii ku dhaawacmay duqeyntii koowaad iyo sidoo kale dadkii ka ag dhawaa oo ku yaacay. si loo badbaadiyo dhibanayaasha.
Duqeymo culus ayaa sidoo kale ka dhacay degmo kale oo dhanka waqooyi ee Tal al-Xaawo ka tirsan, balse ma jiraan wax faah faahin ah oo ku saabsan khasaaraha ka dhashay duqeyntan.
Dagaalyahannada guutada al-Qassam ee Xamaas ayaa sheegay in ay madaafiic iyo gantaallo la beegsadeen isgoyska Beit Hanoon, ee loo yaqaan Erez ee Israa’iil.
Tobaneeyo qof ayaa laga cabsi qabaa inay ku dhinteen ama ku dhaawacmeen Jabaliya kadib markii la weeraray guri ay shacab ku nool yihiin.
Ugu yaraan 10 qof ayaa lagu soo warramayaa in ay ku dhinteen tobanaan kalena ay ku dhaawacmeen weerarro xagga cirka ah oo lagu qaaday dhisme kale oo ku yaalla xaafada al-Zawayda iyo meel u dhow al-Magazi oo ku taalla bartamaha Gaza.
Ugu yaraan toddobo qof ayaa lagu soo warramayaa in ay ku dhinteen tiro kalena ay ku dhaawacmeen kaddib weerar cirka ah oo Israa’iil ay ku qaadday dhismeyaal kale oo ku yaalla koonfurta Qaza.
Degmada Khan Younis oo ku taalla koonfurta Qaza ayaa sidoo kale la kulantay weeraro iyo duqeymo culus oo dhanka cirka ah.
Xerada qaxootiga ee Al-Shati, Shujaiya iyo Zeitoun oo ku taal bartamaha Gaza ayaa sidoo kale la kulmay mowjado cusub oo duqeymo ah oo ay Israa’iil ku hayso.
Dhimashada dadka shacabka ah ee ku naf waayey duqeymaha israel ka wado gaza ayaa haatan kor u dhaafay 8000 kun oo qof, halka dhaawacyaduna ay sii cagacageynayaan 20,000 kun oo shacab ah.
