Duqeymaha Israa’iil ayaa weli sii wada bartilmaameedyada dhowr goobood oo dhulkaas ah. Intii lagu guda jiray saacadii ugu dambeysay goobo kala duwan oo Marinka Qaza ka tirsan waxaa duqeymo ka geystay diyaaradaha Israel.
Taas waxaa ku jira guri la deggan yahay oo ku yaal degmada Rafah [koonfurta Gaza]. Magaaladan oo ay ku jiraan boqolaal kun oo falastiiniyiin ah ayaa si weyn loo duqeeyay labadii saacadood ee la soo dhaafay.
Inta badan falastiiniyiinta ayaa u hogaansamay awaamiirta ciidamada gumeysiga Israa’iil gaar ahaan kuwa degan waqooyiga iyo bartamaha marinka Qaza si ay ugu guuraan deegaanada koonfureed ee dhulkaasi.
Si kastaba ha ahaatee, xaaladda hadda ka jirta dhulka deegaanada koonfureed ee loo arko in ay dhab ahaantii dhibaato u geysatay dadka halkan ayaa ah kuwo aad u quus ah oo laga yaabo in ay naftooda iyo xilligan ku waayan.
Dhinaca kale, Ciidanka Yuhuuda ayaa sheegay iney beegsanayaan goobaha lidka taangiyada ee Xamaas iyo dhismayaal loo isticmaalo goobaha shirarka.
“Laga bilaabo fiidnimadii hore ee xalay Ciidanka Difaaca Israel, oo ay hogaaminayaan kooxaha dagaalka ee isku dhafan ee gaashaaman, injineernimada iyo ciidamada lugta, ayaa ka hawlgalaya dhulka waqooyiga Marinka Gaza,” ayaa lagu yiri war ka soo baxay ciidamada Yuhuuda.
Ku dhawaaqistan ayaa ku soo beegmaysa in ka badan 24 saac kadib markii ay galeen dhulka falastiiniyiinta iyadoo militarigu ay balaariyeen dagaalka ka dhanka ah Xamaas.
