Xamaas iyo Israel ayaa xaqiijiyay in ciidamadooda dhulka ay isku dhaceen magaalada Qaza Axadii shalay.
Dagaalyahannada Xamaas ayaa la dagaallamay ciidammada Israa’iil ee gudaha u galay marinka Qaza Axaddii, sida uu sheegay garabka hubaysan ee kooxda Falastiiniyiinta ee Al-Qassam Brigades.
Kooxda ayaa sheegtay in duulaanka uu ka dhacay bariga Khan Younis ee koonfurta gobolka Gaza.
“Dagaalyahanadu waxay la dagaalameen xoogagii soo dhex galay, waxayna burburiyeen laba cagaf-cagaf iyo Taangi waxayna ku qasbeen ciidamada inay dib u gurtaan” ayaa lagu yiri bayaanka.
Ciidamada Israa’iil ayaa sidoo kale xaqiijiyay in hal askari looga dilay 3 kalana ay ku dhaawacmeen weerar ay ku qaadeen Qaza Axadii shalay, iyagoo qirtay in laga gubay taangi iyo gaadiid kale.
