Hay’adda Maareynta Musiibooyinka Qaranka ayaa Bulshada ugu baaqday Caawa in ay ka fogadaan hareeraha Wabbiyada iyo Goobaha biya mareenada ah xilli roobab xoogan ay ka da’een gobolada dalka qaarkood.
“Bulshada Soomaaliyed haka fogaato hareeraha Wabbiyada iyo goobaha biya mareekanka ah.” ayuu yiri Guddoomiyaha Hay’adda Maareynta Musiiboyinka Qaranka.
Dhinaca kale, Xarunta Maareynta Xogaha khayraadka biyaha iyo Dhulka ee Puntland ayaa ka digtay duufaano ku soo wajahan qeybo ka mid ah gobolka Bari ka dib War-saxaafadeed ay soo saartay oo sidan u qornaa:-
Duufaanta loo yaqaan 05A(Five) ayaa 17 October waxay kasoo bilaabatay bartamaha bad-weynta India kuna bilaabatay xawaare dhan 30km/h.
Duufaanta 05A(Five) ayaa kuwajahan Jaziirada Socotra, xeebaha Salalah iyo Yemen.
Duufaanta 05A(Five) ayaa wadata roobab xoogan iyo dabaylo, xawaaraha dabasha ayaa gaaraysa 205km/h (boqol iyo shan kilomitir saacadii), maalinta axadda ee bishu tahay 22 october.
Hadaba dhamaan bulshada kudhaqan degmooyinka Caluula, Bareeda, iyo Bargaal gaar ahaan kaluumaysatada waa inay joojiyaan usafrida bada iyo kaluumaysiga.
Sidoo kale doonyaha ganacsiga ee isaga gooshaya gacanka cadmeed iyo badweynta hindiya waxaa lagu war galinayaa inaysan ku safrin badda ilaa iyo 25 bisha October.
Hay’adda macluumaadka khayraadka biyaha iyo dhulka waxay sidhow ula soconaysaa soona gudbinaysaa xaalada duufaanta 05A (five).
DHAMMAAD
