Ciidamada Xoogga Dalka Soomaaliyeed gaar ahaan Guutada 18-aad ee Kumaandooska Gorgor ayaa howlgalo qorshayn ka fuliyay dhulka miyiga aa ee u dhaxeeya Deegaanada Caad iyo Shabellow koonfurta Gobolka mudug
Ciidamada ayaa dhulka miyiga ah isku baahiyey iyagoo wada howlgalo lagu sugayo amniga guud ee degaanadaan.
Taliye ku xigeenka Guutada 18-aad ee Kumaandooska Gorgor xoogga Dalka Soomaaliyeed Suulnuuge ayaa hoggaaminayay howlgalka qorshayn ayaa sheegay in ciidamadu ay gudaha u galeen saldhigyo al-shabaab ku dhuumaalaysanayeen oo ku yaala aagga Shabeellow
“Kooxda naf la caariga ee Khawaarijta ayaa iskaga cararay saldhiyo ay ku lahaayeen dhulka miyiga ah aagga Caad iyo shabeeloow kadib markii ciidamadu ay sameeyeen howlgal nadiifin ah” ayuu yiri taliyaha.
Waxaa uu intaas ku daray iney howlgalkaas ku dileen xubno ka tirsan Al-shabaab, kuna raad joogaan firxadka xubno kale, isagoo xusay iney socon doonaan howgalada inta Al-shabaab laga ciribtirayo Mudug iyo guud ahaan Somalia.
