Maamulka Isarel ayaa cabsi xooggan ka qaba in la beegsado muwaadiniintooda ku sugan qaar kamid ah waddamada Islaamka, xilli ay wali wadaan ciidamada Yahuuda xasuuqa ay ka geesanayaan magaalada Gaza.
Wakaaladda wararka ee AFP, ayaa sheegtay in Israel ugu baaqday muwaadiniintooda ku sugan dalalka Masar iyo Urdun in si deg deg ah uga baxaan , sidoo kale kuwa hadda qorsheenaya in ay u safraan ayaa iyana looga digay in ay aadaan dalalkaasi.
Bayaan ka soo baxay golaha ammaanka Israa’iil, ayaa sare loogu qaaday digniinaha safarka ee Masar iyo Urdun ilaa heerka 4aad, talo bixinta in aan loo safrin dalalkan iyo in kuwa sii joogaya ay ka baxaan, sida ugu dhaqsaha badan.
Israel ayaa sidoo kale horey uga dirtay muwaadiniintooda ku sugan dalka Turkiga in ay feejignaadaan, waxa ayna digniinahan imaanayaan xilli dadka Muslimiinta ah ka carroodeen xasuuqa Isreal ka wado magaalada Gaza.
Xafiiska Shabakada Allbanaadir.com
Muqdisho Somalia
Allbanaadir@live.com
