Qarax ismiidaamin ah oo loo adeegsaday gaari laga soo buuxiyay waxyaabaha qarxa ayaa saakay aroortii lagu weeraray saldhig ciidanka dowladda, gaar ahaan kuwa ammaanka ku leeyihiin deegaanka Ceelasha Biyaha.
Sida aan wararka ku heleyno qaraxan oo loo adeegsaday gaari nuuca aan xabadaha karin oo Shabaab kasoo buuxiyeen waxyaabaha qarxa, ayaa ku qarxay xerada ay degan yihiin ciidanka ammaanka ee ku sugan Ceelasha Biyaha.
Khasaaro isugu jira dhimasho iyo dhaawac ayaa ka dhashay qaraxan goordhaw ka dhacay deegaanka Ceelasha Biyaha, waxaana goobta qaraxu ka dhacay gaaray gaadiidka gurmadka deg dega oo halkaasi kasoo qaaday askarta dhaawacantay.
Al Shabaab ayaa sheegatay masuuliyada qaraxan saakay lagu weeraray saldhigga ciidan, waxa ayna Al Shabaab shaaciyeen in qaraxa ku dileen askar badan kuwa kalana ay dhaawacyo kasoo gaareen.
Laamaha ammaanka dowladda Soomaaliya ayaan wali faah faahin qaraxan saakay ka dhacay deegaanka Ceelasha Biyaha iyo khasaaraha ka dhashay, waxaana la filayaa in saacadaha soo aadan in qaraxan war kasoo saaraan.
Xafiiska Shabakada Allbanaadir.com
Muqdisho Somalia
Allbanaadir@live.com
