Wasaaradda caafimaadka ee Gaza ayaa soo saartay codsi degdeg ah oo ku saabsan shidaal ka dib markii isbitaalka shanaad ee weyn loo xiray koronto la’aan.
Isbitaalka Yemen Al-Saciid oo ku yaalla waqooyiga marinka Qaza ayaa ku qasbanaaday in la xiro ka dib markii uu ka dhamaaday shidaalkii, sida ay sheegtay wasaaraddu Khamiistii.
Isbitaalka Beit Hanoun, Isbitaalka Carruurta ee Dora, Karama iyo Isbitaalka Indhaha ee Caalamiga ah ee Gaza ayaa mar hore xirmay sababo la xiriira shidaal yari ayay tiri wasaaraddu. Adeegyada ayaa sidoo kale la joojiyay 14 xarumood oo caafimaad oo yaryar oo ku yaal agagaarka deegaanka sababo la mid ah.
Wasaaraddu waxay soo saartay baaq degdeg ah oo ay u dirtay dhammaan xarumaha shidaalka ee Gaza iyo cid kasta oo laga yaabo inay haysato litir naafto ah inay si degdeg ah u wacaan khadka tooska ah si shidaalka loogu wareejiyo Isbitaallada Gaza, oo hadda ku shaqeeya matoorrada kaydka ah ee sahayda shidaalka yar.
Isbitaalka labaad ee ugu weyn Gaza ayaa damiyay nalalka inta badan xarunta iyadoo shaqaaluhu ay isku dayayaan inay keydiyaan tamarta shidaal yari awgeed.
Laydhku weli waa shidnaa qaybta daryeelka degdegga ah ee Cusbitaalka Nasser, laakiin waaxyo kale oo badan ayaa la demiyey, dhakhaatiirtu waxay isticmaalayaan taleefannada gacanta iyo tooshashka.
