Soomaaliya ayaa diiday codsi uga yimid Itoobiya oo ku aadanaa in ay wada hadal la gasho, si ay u hesho dekedda Badda Cas.
Ra’iisul Wasaaraha Itoobiya Abiy Axmed ayaa todobaadkii hore ka digay in dalkiisa oo ah uu marin deked ah ay tahay isha colaadeed ee mustaqbalka, wuxuuna ku baaqay in la isku dayo in arrintan wax laga qabto si loo ilaaliyo xasilloonida gobolka.
Itoobiya waxay lumisay marinkii tooska ahaa ee badda sanadkii 1993 markii Eritrea ay xornimada qaadatay ka dib dagaal saddex iyo toban sano socday.
Iyadoo Soomaaliya ay “si weyn uga go’an tahay” horumarinta nabadda, amniga, ganacsiga iyo isdhexgalka, ma xiisaynayso bixinta helitaanka hantida istaraatiijiga ah sida dekedda, Wasiiru-dawlaha Arrimaha Dibadda Cali Cumar ayaa farriin qoraal ah ku sheegay.
“Madaxbanaanida iyo wadajirka dhuleed ee Soomaaliya – berriga, badda iyo hawada – sida uu dhigayo dastuurkeena, waa muqadas mana furna in laga doodo.” ayuu yiri.
Khudbad uu ka jeediyay taleefishinka Oct. 13, Abiy ayaa sheegay in Itoobiya ay leedahay “xuquuqda dabiiciga ah” inay si toos ah u gasho badda cas, haddii taas la diidona “ma jiri doonto cadaalad , haddii cadaalad la waayano waa arrin keeni doonto in aan dagaalanno” ayuu yiri.
Xigasho: BBC
