Guddoomiyaha gobolka Banaadir Yuusuf Xuseen Jimcaale (Madaale) oo ay wehliyaan labo kamid ah kuxigeennadiisa ayaa maanta dhagax-dhigay waddada laamiga ee Via Moscow oo isku xerta buundooyinka Xamar Jajab iyo Waaberi .
Duqa Magaalada Muqdisho oo ka hadlay munaasabadda dhagax-dhiga ayaa kula dar-daarmay shacabka degmooyinkaasi in ay ka qeyb qaataan bilicda, nadaafada iyo ilaalinta goobaha danta guud oo ay ugu horeyso wadooyinka dib loo dhisaayo.
Waddadan maanta mar kale la dhagax dhigay ayaa sannado kahor la dhisay lana saaray laami cusub, hasa ahaatee waxaa gabi ahaan bur buray laamigii waddaasi la saaray, mana jiro ilaa hadda cid la xisaabtantay shirkadii horey u dhistay.
Laamiyo badan oo kuyaalla Muqdisho oo horey loo dhisay ayaa mar kale burburay, waxaana inta badan sabab looga dhigaa in shirkado musuq ahaan loo siiyo qandaraaska dhismaha, kuwaa oo iyana si aan tayo laheyn u dhisa waddooyinkaasi.
Xafiiska Shabakada Allbanaadir.com
Muqdisho Somalia
Allbanaadir@live.com
