Allaha u naxariiatee waxaa caawa qarixii maqaayadda Blue Sky ee magaalada Muqdisho ku geeriyooday Agaasimihii Tv-ga Somali Cable Cabdifataax Macalin Nuur Qeys.
Sida ay xaqiijiyeen ehelkiisa iyo saaxibadiis wuxuu ku sugnaa maqaayadda uu qaraxa ka dhacay gudaheeda.
Waxaa sidoo kale qaraxaas ku dhintay dhowr qof, iyadoo ay ku dhaawacmeen dad kale oo lagu qaaday gaadiidka Ambalaasta, kuwaasoo ula cararay goobaha Caafimaadka.
Wararka ayaa sheegaya in qof waxyaabaha qarxa soo xirtay uu isku qarxiyey dad fadhiyey banaanka maqaayada oo halkaas isaga fiidsanayey.
Maqaayaddaan waxay u dhexeysaa laba Bar koontarool ee ciidanka madaxtooyada oo kala ah midka Godka Jilacow iyo Xaawa Taako waana meel aammaankeeda aad u adag yahay inkastoo dadka lugta ku socda aan la baarin.
Laamaha amaanka DF ayaan welki wax war ah ka soo saarin qaraxan.
