Qarax nuuca miinada dhulka lagu aaso ayaa Muqdisho lagula eegtay ciidamo katirsan booliiska Soomaaliya, gaar ahaan kuwa qaabilsan miino baarista ee loo yaqaan K9, waxaana qaraxaasi ka dhashay khasaaro isugu jira dhimasho iyo dhaawac.
Sida aan wararka ku helnay qaraxan miino ayaa ka dhacay  Xaafadda Waxaracade ee Degmadda Heliwaa, waxaana ciidamada la qarxiyay oo watay eeyo u tababaran miino baraista xilligaasi u socdeen howlgal.
Inta la xaqiijiyay qaraxan miino waxaa lagu dilay labo askari oo katirsanaa ciidanka miino baarista booliiska Soomaaliya, waxaa sidoo kale ku dhaawacmay qaraxa saddex askari oo kale, kuwaa oo xaaladooda caafimaad lala tacaalayo.
Ciidamo katirsan kuwa ammaanka ayaa gaaray goobta uu qaraxu ka dhacay, waxa ayna ciidamada halkaasi ka sameeyeen howlgalo ay ku baadigoobayeen kooxihii ka dambeeyay qaraxa, lamana sheegin cid ay ciidamada qaraxa u qabteen.
Qaraxyada miino ee lala eegto ciidamada ammaanka ayaa mararka qara ka dhaca qaar kamid ah degmooyinka Muqdisho, gaar ahaan kuwa kuyaalla bannaanka magaalada, waxaana qaraxyadasai mararka qaar waxyeelo kasoo gaartaa dad shacab ah.
Xafiiska Shabakada Allbanaadir.com
Muqdisho Somalia
Allbanaadir@live.com
