Dalka Indonesia waxaa ku habsatay musiibo ay noloshooda ku waayeen dad aad u badan ,waxaana wali socda gurmad loo fidinayo dad badan oo ku go’doonsan goobo ay saameesay dhul gariir xoogan oo dalkaasi ku dhuftay.
Inta la xaqiijiyay dad gaaraya 844-qof ayaa ku dhintay dhul gariirka ku dhuftay Jimcihii dalka Indonesia, waxaana dhul gariirkan la socda duufaanta xoogan ee loogu magac daray Tsunami oo deegaano badan dhoobo kusoo rogtay.
Meydadka 34 arday iyo dad kale ayaa laga helay kaniisad ay ku hoos jireen oo bur burtay kadib markii dhoobo kusoo duntay, waxaana wali bur burka kaniisada laga hoos raadinayaa dad kale oo la aaminsan yahay in a ku hoos jiraan.
Dowlada Indonesia ayaa wada dadaalo loogu gurmanayo goobaha ay saameesay dhul gariirka iyo duufaanta, waxaana goobaha qaar adag in ay gaaraan kooxaha gurmadka dega dega.
Xafiiska Shabakada Allbanaadir.com
Muqdisho Somalia
Allbanaadir@live.com
