Xoghayaha arrimaha dibadda ee Mareykanka Antony Bliken ayaa lagu shaaciyay tirada dhimashada ee muwaadiniinta Mareykanka kadib weerarkii Xamaas ka geysatay dhulka ay xooga ku qabsatay Israel.
Blinken oo ka hadlay shir jaraa’id oo ay Tel aviv ku wada qabteen isaga iyo Ra’isul Wasaaraha Israa’iil Benjamin Netanyahu ayaa xaqiijiyay in muwaadiniin Mareykan ah oo gaaraya ilaa 25 ay ku geeriyoodeen weerarkan.
Xoghayaha ayaa sheegay in Mareykanku uu mar waliba diyaar u yahay garab istaagga Israa’iil.
Netanyahu ayaa mahadceliyay Blinken iyo Maraykanka labadaba “Biden wuxuu ku saxsanaa inuu Xamaas ku tilmaamay kuwo xun, waxaa loola dhaqmi doonaa sidii ISIS” ayuu yiri Netanyahu.
Xoghayaha arrimaha dibadda ee Mareykanka ayaa dhiniciisa carrabka ku dhuftay in Xamaas ay dooneyso in ay burburiso Israa’iil taasna ay suurageli doonin.
