Dagaalyahannada ururka Xamaas ayaa Sabtidii weerarkii ay ku qaadeen dhulka Israel maamusho ku qafaashay dad badan oo kasoo jeeda Yahuuda Israel , waxaana dadkaasi ku jira askar katirsan ciidamada Israel.
Maamulka Israel ayaa ka gaabsanayay in ay shaaciyaan xogta iyo tirada dadka Xamaas afduubteen, waxaana hadda soo baxaya oo xogo ku aadan tirada dadka ay heestaan Ururka Xamaas.
Safiirka Israel u fadhiya Qaramada Midoobay Gilad Erdan ayaa sheegay in tiradda dadka Israel kasoo jeeda ee la qafaashay tan iyo Sabtidii ay tiro ahaan u dhaxayso 100 ilaa 150 qof, kuwaa uu ka gaabsaday in uu magacyadooda iyo xogtooda uu baahiyo.
Maamulka Israel ayaa sidoo kale sheegay in ay la hadleen konton ka mida qoysaska dadkooda ay maxaabiis ahaanta u heestaan kooxda Xamaas, waxa ay sidoo kale sheegeen in ay la xariiri doonaan qoysaska kale ee dadkooda maqan yihiin.
Ururka Xamaas ayaa ku hanjabtay in ay dili doonaan maxaabiista ay Israel ka hayaan, haddii ay sii wadaan leynta shacabka Falastiin, waxa ayna intaa raaciyeen in wax wadahadal aysan geli doonin inta Israel wadaan duqeymaha shacabka ka dhanka ah.
Xafiiska Shabakada Allbanaadir.com
Muqdisho Somalia
Allbanaadir@live.com
