Shirka siyaasiyiinta mucaraadka ah iyo qaar ka mid ah ururada siyaasadda ee mucaaradka ah ee Puntland ayaa maalinta bari ka furmaaya magaalada Garoowe.
Shirkan oo marki hore qorshuhu ahaa in lagu qabto Hotelka weyn ee Martisoor ayaa la sheegay in maamulka hotelku ka cudur daarteen inaysan shirkaas martigelin karin, sababo la xiriira xaaladda ciidamada ay siyaasiyiinta wataan.
Shirka ayaa hadda lagu qabanaaya Beerta Arlo ee ku taala galbeedka magaalada halkaasoo lagu qabsado xafladaha waaweyn.
Shirka waxaa ka soo qaybgalaya sida xogtu sheegayso Gen. Asad Cismaan Cabdullaahi (Diyano) oo ka tirsan ururka Mideeye, horeyna ahaa musharixii soo gaarey wareega u danbeysa doorashadii 2019 ee la tartamey madaxweyne Deni
sidoo kale waxaa ka qaybgalaya siyaasiga Xassan Shire Abgaal, Wasiirkii hore ee arrimaha dibadda Soomaaliya Axmed Ciise Cawad, iyo siyaasiyin kale.
Wararku waxay sheegayaan in shirka ujeedkiisu yahay sidii Puntland ay uga dhici lahayd doorasho wakhtigeeda ku dhacda, meesha laga saaro muddo kororsi horseedi kara qalalaase.
